नेपाल संवत् ११४७ न्हूदँया लसताय् नेवाः देय् दबू बराहपोखरी गा.पा. १ नं. समिति, खोटाङया ग्वसालय् विविध सांस्कृतिक झाँकी, र्याली सहित न्हूदँ ज्याझ्वः तःजिक क्वचाःगु दु । थ्वहे अवसरय् समितिया न्हू भवनया उलेज्या नं जूगु खः । समितिया नायः उत्तरकुमार श्रेष्ठया नायःसुइ जूगु उगु ज्याझ्वलय् नेवाः देय् दबू खोटाङ जिल्ला समितिया नायः गोपाल श्रेष्ठं मूपाहाँकथं ब्वति कयादीगु खः ।
अथेहे बराहपोखरी गा.पा.या अध्यक्ष शालिक राम बन्जारां विशेष पाहाँकथं ब्वति कयादीगु खः । न्हू भवन दयेकेया नितिं स्व. जिवीकर्ण श्रेष्ठया लुमन्ती तेजकुमारी श्रेष्ठ व परिवारपाखें १-०-०-१ क्षे.फ. व स्व. बुद्धि कुमार श्रेष्ठ व स्व. नर्वदा श्रेष्ठया लुमन्ती समितिया निवर्तमान दुजः भुवन श्रेष्ठ सहित परिवारपाखें ०-१२-२-१ क्षे.फ. जग्गा दान यानादीगु खःसा समितिया सकल दुजःपिं व विभिन्न दातापिंपाखें आर्थिक ग्वाहालि संकलन याःगु खँ जिल्ला समितिया नायः गोपाल श्रेष्ठं जानकारी बियादीगु दु ।
अथेहे जिल्लाया सदरमुकाम दिक्तेल लगायत खाल्ले, अर्खौलेय् नं न्हूदँया लसताय् सांस्कृतिक झाँकी सहित र्याली यासें भिंतुना कालबिल ज्याझ्वः व छेँय्-छेँय् म्हपूजा यानाः तःजिक हंगु दु ।
नेपाल संवत् ११४७ को नयाँ वर्षको अवसरमा नेवाः देय् दबू बराहपोखरी गाउँपालिका वडा नं. १ समितिको आयोजनामा विभिन्न सांस्कृतिक झाँकी र र्यालीसहित नयाँ वर्षको कार्यक्रम भव्यताका साथ सम्पन्न भएको छ। यसै अवसरमा समितिको नयाँ भवनको उद्घाटनसमेत भएको हो। समितिका अध्यक्ष उत्तरकुमार श्रेष्ठको अध्यक्षतामा भएको उक्त कार्यक्रममा नेवाः देय् दबू खोटाङ जिल्ला समितिका अध्यक्ष गोपाल श्रेष्ठले प्रमुख अतिथिको रूपमा सहभागिता जनाउनुभएको थियो। त्यसैगरी बराहपोखरी गाउँपालिकाका अध्यक्ष शालिकराम बन्जाराले विशेष अतिथिको रूपमा सहभागिता जनाउनुभएको थियो।
नयाँ भवन निर्माणका लागि स्व. जिवीकर्ण श्रेष्ठको स्मृतिमा तेजकुमारी श्रेष्ठ र परिवारबाट १-०-०-१ क्षेत्रफल र स्व. बुद्धि कुमार श्रेष्ठ तथा स्व. नर्वदा श्रेष्ठको स्मृतिमा समितिका निवर्तमान सदस्य भुवन श्रेष्ठसहित परिवारबाट ०-१२-२-१ क्षेत्रफल जग्गा दान गरिएको थियो भने समितिका सम्पूर्ण सदस्यहरू तथा विभिन्न महानुभावहरूबाट आर्थिक सहयोग संकलन गरिएको कुरा जिल्ला समितिका अध्यक्ष गोपाल श्रेष्ठले जानकारी गराउनुभएको छ।
त्यसैगरी जिल्लाको सदरमुकाम दिक्तेललगायत खाल्ले र अर्खौलेमा पनि नयाँ वर्षको अवसरमा सांस्कृतिक झाँकीसहित र्याली निकालेर शुभकामना आदानप्रदान कार्यक्रम तथा घर-घरमा म्हपूजा गरी भव्यताका साथ मनाइएको छ।