कोशी प्रदेशय् झिंन्यान्हुया नेवाः पुरोहित तालिम क्वचाल

नेवाः देय् दबू मोरङ जिल्ला समितिया ग्वसालय् कोशी प्रदेशया च्याम्ह नेवाःतय्त झिंन्यान्हुया नेवाः पुरोहित तालिम क्वचाःगु दु । नेवाः पुरोहित दबू कोशी प्रदेश समितया निर्वतमान छ्याञ्जे रमेश प्रधान तुसुजुं तालिम बियादीगु खः । तालिमया समापन समारोह वंगु जेठ ३१ गते जूगु खः । कोशी प्रदेशया सुन्दरहरैंचा नगरपालिका विरातचोकय् च्वंगु इन्द्रपुर नेवाः पुचःया सभाहलय् नेवाः देय् दबू केन्द्रीय न्वकू नापं कोशी प्रदेशया इन्चार्ज नरेश शाक्यया मूपाहांसु जूगु खः । नेवाः देय् दबु मोरङ जिल्लाया नायः थर्कमान श्रेष्ठया नायःसुइ जूगु उगु ज्याझ्वलय् नेवाः देय् दबू कोशी प्रदेशया नायः सिताराम श्रेष्ठ बिशेष पाहां जुयादीगु खः ।
ज्याझ्वलय् नेवाः देय् दबूया केन्द्रीय समितिइ कोशी प्रदेशपाखें प्रतिनिधित्व यानादीपिं केन्द्रीय न्वकू नरेश शाक्य, केन्द्रीय छ्याञ्जे नारायण श्रेष्ठ, केन्द्रीय दुजःपिं भिमकला श्रेष्ठ, नारायणप्रसाद श्रेष्ठ, तारा श्रेष्ठ, विमला श्रेष्ठपिन्त हनेज्या याःगु खः । अथे हे पुरोहित तालिम कयादीपिन्त दसिपौ तकं लःल्हाःगु खः । ज्याझ्वलय् थीथी ब्यक्तित्वपिनिगु ब्यापक ब्वति दुगु खः ।