कोशी प्रदेशया निगू जिल्लायात उत्कृष्ट हना

असोज २१ गते बुधबारका दिन नेवाः देय् दबूको विषयगत समितिमध्ये नेवाः मिसा दबू कोशी प्रदेश समितिको बैठकमा दुई जिल्ला समितिलाई उत्कृष्टका रूपमा सम्मान गरिएको छ।
प्रदेशका १४ जिल्लामध्ये धनकुटा जिल्ला र भोजपुर जिल्लाको नेवाः मिसा दबूलाई सम्मान गरिएको हो। कार्यक्रमको अध्यक्षता केन्द्रीय उपाध्यक्ष तथा कोशी प्रदेश इन्चार्ज निरुपा श्रेष्ठले गर्नुभएको थियो भने केन्द्रीय सल्लाहकार विमला प्रधान विशिष्ट अतिथि तथा कोशी प्रदेश इन्चार्ज रञ्जना अमात्यको पनि उपस्थिति रहेको थियो।
उक्त कार्यक्रमको मुख्य आयोजक कोशी प्रदेश र सह-आयोजक मोरङ जिल्ला समिति तथा विराटनगर समिति थिए। कार्यक्रममा भोजपुर, धनकुटा, मोरङ, विराटनगर समिति र झापा समितिका अध्यक्षलगायत प्रतिनिधिहरूको उपस्थिति रहेको थियो। कार्यक्रम संस्थाकी सचिव सुजाता श्रेष्ठले सञ्चालन गर्नुभएको थियो भने स्वागत मन्तव्य झापा जिल्ला अध्यक्ष रेनुका श्रेष्ठले दिनुभएको थियो। त्यसैगरी विराटनगर समिति र मोरङ जिल्लाका तर्फबाट शुभकामना मन्तव्य व्यक्त गरिएको थियो।