नेवाः देय् दबूया केन्द्रीय समिति व राष्ट्रिय परिषदया मुँज्या तयारी अन्तिम चरणय्

नेवारहरूको साझा राष्ट्रिय सङ्गठन नेवाः देय् दबूको केन्द्रीय समितिको बैठक र राष्ट्रिय परिषदको बैठक देशको सङ्घीय राजधानी काठमाडौंमा गर्ने तयारी अन्तिम चरणमा पुगेको छ। आउँदो नेपाल संवत् ११४६ यंलागा षष्ठी (असोज १६ गते शुक्रबार) केन्द्रीय समितिको बैठक तथा यंलागा सप्तमी (असोज १७ गते शनिबार) राष्ट्रिय परिषदको बैठक काठमाडौंमा हुन गइरहेको छ।
केन्द्रीय समितिको बैठकमा देय् दबूका संरक्षकहरू, केन्द्रीय पदाधिकारी, सदस्यहरू, विषयगत समितिका अध्यक्षहरू र देय् दबूका सबै प्रदेशका अध्यक्षहरूले सहभागिता जनाउनुहुनेछ। त्यसैगरी राष्ट्रिय परिषदको बैठकमा संरक्षकहरू, केन्द्रीय सल्लाहकार, केन्द्रीय पदाधिकारी, सदस्यहरू, विषयगत समितिका अध्यक्षहरू, देय् दबूका सबै प्रदेशका अध्यक्षहरूका साथै राष्ट्रिय परिषद सदस्यहरूले पनि सहभागिता जनाउनुहुनेछ।
देय् दबूको केन्द्रीय समिति र राष्ट्रिय परिषद बैठकका लागि पत्र पठाउने कामका साथसाथै व्यवस्थापनको कामसमेत अन्तिम चरणमा पुगेको कुरा नेवाः देय् दबूका महासचिव श्रीकृष्ण महर्जनले जानकारी गराउनुभएको छ।