नेवाःतय्गु मंकाःगु राष्ट्रिय संगठन नेवाः देय् दबू बाँके जिल्ला समितिया स्वक्वःगु तःमुँज्या वंगु असोज ८ गते विहिवाः तःजिक क्वचाःगु दु । उगु तःमुँज्यां बाँके जिल्ला समितिइ झिंन्याम्हेसिया ज्यासना पुचः ल्यःगु दु । न्हूगु ज्यासना पुचलय् नायः सुरेन्द्र कुमार श्रेष्ठ जुयादीगु दु । अथे हे बरिष्ठ न्वकू पदम श्रेष्ठ, न्वकू भीमलाल श्रेष्ठ व मिसा न्वकू पुनम श्रेष्ठ, छ्याञ्जे पुष्प मणि प्रधान, अन्जु श्रेष्ठ व दांभरी राजेश मास्केयात ल्यःगु दु । दुजलय् आनन्दबहादुर कर्माचार्य, चन्द्र शेखर श्रेष्ठ, रत्ना कुमारी श्रेष्ठ, सरोज कुमार श्रेष्ठ, जित बहादुर श्रेष्ठ, रचना श्रेष्ठ, सुन्दर मान शाक्य व प्रकाश कक्षपतियात ल्यःगु दु । निर्वाचित पदाधिकारी व दुजःपिन्त सल्लाकार पूर्णलाल चुकें दसि पौ लःल्हानादीगु खः।
उगु ज्याझ्वलय् लुम्बिनी प्रदेशया सभासद् मा. मीना कुमारी श्रेष्ठं मूपाहाँकथं ब्वति कासें ज्याझ्वः उलेज्या यानादिल खः । अथेहे समितिया आजीवन दुजःपिन्त दसि पौ नं लःल्हानादिल । संस्थापक नायः कृष्ण प्रसाद श्रेष्ठं समितिया विगतया गतिविधि न्ह्यब्वयादिल ।
→
नेपाली
नेवाः देय् दबू बाँके जिल्लाको तेस्रो अधिवेशन सम्पन्न
नेवारहरूको साझा राष्ट्रिय संगठन नेवाः देय् दबू बाँके जिल्ला समितिको तेस्रो अधिवेशन गत असोज ८ गते बिहीबार भव्य रूपमा सम्पन्न भएको छ। उक्त अधिवेशनले बाँके जिल्ला समितिमा १५ सदस्यीय कार्यसमिति चयन गरेको छ। नयाँ कार्यसमितिमा अध्यक्ष सुरेन्द्र कुमार श्रेष्ठ निर्वाचित हुनभएको छ। त्यसैगरी वरिष्ठ उपाध्यक्षमा पदम श्रेष्ठ, उपाध्यक्षमा भीमलाल श्रेष्ठ र महिला उपाध्यक्षमा पुनम श्रेष्ठ, सचिवमा पुष्प मणि प्रधान, सह-सचिवमा अन्जु श्रेष्ठ र कोषाध्यक्षमा राजेश मास्के चयन हुनुभएको छ। सदस्यहरूमा आनन्दबहादुर कर्माचार्य, चन्द्र शेखर श्रेष्ठ, रत्ना कुमारी श्रेष्ठ, सरोज कुमार श्रेष्ठ, जित बहादुर श्रेष्ठ, रचना श्रेष्ठ, सुन्दर मान शाक्य र प्रकाश कक्षपति चयन हुनुभएको छ। निर्वाचित पदाधिकारी तथा सदस्यहरूलाई सल्लाहकार पूर्णलाल चुकेले निर्वाचित प्रमाणपत्र हस्तान्तरण गर्नुभएको थियो।
उक्त कार्यक्रममा लुम्बिनी प्रदेशका सभासद माननीय मीना कुमारी श्रेष्ठज्यूले प्रमुख अतिथिको आतिथ्यता ग्रहण गर्दै कार्यक्रमको उद्घाटन गर्नुभएको थियो। साथै, उहाँले समितिका आजीवन सदस्यहरूलाई प्रमाणपत्र पनि प्रदान गर्नुभयो। संस्थापक अध्यक्ष कृष्ण प्रसाद श्रेष्ठले समितिको विगतका गतिविधिहरू प्रस्तुत गर्नुभएको थियो।
