नेपाःया आदिवासी जनजातितय्गु मंकाः संगठन नेपाल आदिवासी जनजाति महासंघया ग्वसालय् वंगु साउन २४ गते येँय् जूगु केन्द्रीय ज्याझ्वलय् नेवाःतय्गु मंकाः संगठन नेवाः देय् दबूया आह्वानय् सलंसःम्ह नेवाःत सांस्कृतिक पहिचान सहित ब्वति कयादीगु खः । येँया भृकुतिमण्डपय् मुना न्ह्याःगु मूल समारोहया ¥यालीइ नेवाःतपाखें सांस्कृतिक बाजा धुन्या, धिमे, बासरी, धाः नापं थीथी बाजागाजा सहित ब्वति कयादीगु खः । नेवाः देय् दबूया केन्द्रीय नायः रश्मीला प्रजापतिया नेतृत्वय् सलंसःम्ह नेवाःत ब्वति कयादीगु उगु ¥यालीइ नेवाः देय् दबूया केन्द्रीय नेतृत्वपिं बरिष्ठ न्वकू सत्यनारायण डंगोल, न्वकूपिं शान्त श्रेष्ठ, उमेश स्थापित, मूछ्याञ्जे श्रीकष्ण महर्जन ‘नेवाः’ दांभरी माहिला डंगोल, ल्यूमूछ्याञ्जे बासु श्रेष्ठ, छ्याञ्जेपिं मचाराजा महर्जन, श्रीजनमान श्रेष्ठ नापं स्वनिगलय् दुपिं अप्वः याना केन्द्रीय दुजःपिं नं ब्वति कयादीगु खः । उगु ¥यालीइ नेवाः देय् दबूया केन्द्रीय समितिया मूल ब्यानर ल्यूने नेवाः देय् दबू स्वनिगः विशेष प्रदेश समिति, येँ जिल्ला समिति, यल जिल्ला समिति, ख्वप जिल्ला समिति, नेवाः मिसा दबू नापं थीथी विषयगत समिति, थीथी जातीय समिति नापं येँ महानगर समिति व थीथी नगर समितिया ब्यानर सहित ब्वति कयादीगु खः ।
३२ क्वःगु विश्व आदिवासी दिवसया लसताय् स्वनिगलं पिने नं थीथी प्रदेश व जिल्लाय् नं थःथःगु कथंया ज्याझ्वः ग्वसाः ग्वःगु खःसा अन नेवाः देय् दबूया स्थानीय समितितपाखें नं थःपिनिगु पहिचान सहित सक्रिय रुपं ब्वति कयादीगु खः । नेवाः देय् दबूपाखें विश्व आदिवासी दिवसयात दँय् दसंया छगू महत्वपूर्णगु ज्याझ्वः कथं नाला वयाच्वंगु दु ।
