नेवाः देय् दबूया स्वक्वःगु केन्द्रीय मुँज्या क्वचाल

नेवाः देय् दबूको तेस्रो केन्द्रीय समितिको बैठक काठमाडौँमा सम्पन्न भएको छ। नेपाल संवत् ११४६ यंगाला षष्ठी र सप्तमीका दिन भएको केन्द्रीय समितिको बैठकले विभिन्न विषयहरूमा छलफल गर्ने क्रममा संस्थाको प्रगति प्रतिवेदन, विभिन्न प्रदेश, विभाग र विषयगत समितिका प्रतिवेदन, आ.व. २०८२/०८३ को लेखापरीक्षण प्रतिवेदन पारित गर्दै विभिन्न नीति निर्माणका विषयहरूमा छलफल गरेको हो। काठमाडौँको एण्ड्रयुज क्याफे एण्ड रेष्ट्रोमा दबूकी अध्यक्ष रश्मिला प्रजापतिको अध्यक्षतामा भएको उक्त बैठकमा अतिथिका रूपमा संरक्षक नरेशकुमार ताम्रकार, संरक्षक पवित्र बज्राचार्य तथा देय् दबूका विभिन्न जिल्ला, प्रदेश र विषयगत समितिका प्रतिनिधिहरूले सहभागिता जनाउनुभएको थियो।