एजेन्सी – छगू इलय्या ब्राजिलया महान् कासामि रोनाल्डिन्हो हाकनं व्यवसायिक फुटबल म्हितेगु निंतिं मैदानय् वयेत्यंगु दु । अन्तर्राष्ट्रिय सञ्चार माध्यमतय्सं बिउगु जानकारी कथं ४६ दँ दुम्ह लिजेण्ड कासामि रोनाल्डिन्हो इटालीया स्वंगूगु श्रेणीया क्लब राभेना एफसीइ अनुबन्ध जूगु दु । रोनाल्डिन्हो मैदानय् वइगु थ्व समाचारं विश्व फुटबलय् तःधंगु चर्चा सुरु जूगु दु ।
रोनाल्डिन्हो बिहिवाः हे इटाली थ्यंगु खः । रेभेनों रोनाल्डिनोयात क्लबया प्रचारय् ग्वाहालिया निंतिं न्हूम्ह कासामि कथं क्लबय् हयागु धाःगु दु ।
क्लबया मालिक इगाजियो सिप्रियो व रोनाल्डिन्हो पासा नं खः ।
सन् २०१५ य् अन्तर्राष्ट्रिय फुटबलं संन्यास काःम्ह रोनाल्डिन्हों पत्रकार सम्मेलनय् मैदानय् वयेगु संकेत याःगु खः । रोनाल्डिन्हों थःगु करियरया ३०० औं गोल यायेगु धाःगु खः । तर रेभेनाया निंतिं रोनाल्डिन्हो न्हापांगु कासा गबले म्हिती धयागु सीमदुनि । रोनाल्डिन्हो थः फिट जूगु व गबले म्हितेगु निर्णय प्रशिक्षक व अध्यक्षय् निर्भर जुइ धाःगु दु ।
रोनाल्डिन्हो ब्राजिलया नांजाःम्ह कासामि खः । सन् २००२ य् जूगु विश्वपक उपाधि त्याकेगु निंतिं नं रोनाल्डिन्हाें महत्वपूर्ण भूमिका म्हितूगु
खः । रोनाल्डिन्हों बार्सिलानो पाखें ला लिगा व च्याम्पियन्स लिगया उपाधि नं त्याके धुंकूगु दु । रोनाल्हिन्डों बार्सिलानो लिपा एसी मिलानं म्हितूगु खः । थ्व धुकाः नं मेमेगु क्लबं म्हितूम्ह रोनाल्हिन्डो सन् २०१५ य् ब्राजिलयन क्लब फ्लुमिनेन्सं थःगु अन्तिम कासा म्हितूगु खः । ब्राजिलया निंतिं ९७ गू कासा म्हिता ३३ गो ल याःम्ह रोनाल्हिन्डों सन् २००५ य् बोलेन डी’आर नं त्याकूगु खः ।
